'
Ic hate gewitan fram me þa meremen þe synt sirene geciged, and eac þa Castalidas nymphas (þæt synt dunylfa), þa þe wunedon on Elicona þære dune; and ic wylle þæt Latona (þære sunnan moder and Apollonis and Diana) fram me gewite, þe Delo akende, þæs ðe ealde swæmas gecyddon; ond ic hopige þæt Cherubin se mæra ætwesan wylle and of þam upplican weofode mid his gydlenan tange þære gledan spearcan to minre tungan gebringan and þæs dumbes muðes æddran æthrinan, þæt ic forþam mæge gleawlice argute arguto meditamine fari, þæt ys, þæt ic mæge gleawlice mid glewre smeagunge þisne circul on Englisc awendan.'
